||

كلمات أغنية كون يمك – حاتم العراقي

 

 

 

كلمات أغنية كون يمك - حاتم العراقي

 

كلمات أغنية كون يمك – حاتم العراقي

 
كون يمك ، كون يمك
ألف هنيا له القعد هالليلة يمك
آنا احبك
وآنا احب كل حرف باسمك
وآنا حسي جرن سوا دمي ويا دمك
كون يمك ، واكون يمك
كون احضنك
كون ابوسك
كون اشمك
كون احط راسي اعلى صدرك
كون اضمك
الله لا ينطيه كل من راد يحرمني ويحرمك

آنا اللي تمنيت ابوسك
وآنا اللي تمنيت اشمك
وآنا اللي تمنيت احط راسي اعلى صدرك
بلكي خدي يزيح همك
ناري ما تطفى ولا نارك طفت
وعيني قبلك تبجي اذا عينك بجت
اليمتى يا حبيب تظل من ايدي تطشر وألمك
كون يمك ، وأكون يمك ..

اليوم قلبي لبابكم بالليل اخذني
واسمع اهلك كلها ملتمين يمك
انت يطارف لساني
ولا أقدر اصيحك
واهلك براحتهم يصيحون باسمك
والله لو تعرف بحالي
قلبك اعلى الباب يركض قبل جدمك
أذكر ايام اسألتني
من يحب محبوبه اكثر
ومن اقلك آنا اكثر
تنقهر ويفور دمك

اذكر أيام على بابي
جيتني محمل هموم
ومن شفتني تبسمت
وانزاح همك
وهسة جيتك
هسة جيتك من دموعي ذخيل يمك
اليوم روحي تعاندت وياي
وتريدك حبيبي
بيا طريق اوصل الك
وشلون افهمك
بيا طريق اوصل الك
وشلون افهمك
 

 

 

 

 

 

تعليقات القراء

اكتب تعليقك .....

ملاحظة: عند الموافقة يتم نشر الإسم و التعليق فقط و لا ننشر الإيميل

التعليقات مغلقه